الفصل الثامن عشر

كان يجلس وامامه فنجان من القهوة لا يعرف لما اتي ولما ينجذب لها بعد ان اترشف مرة من القهوه وضعها سريعاً و وقف وضع بعض من المال واخذ اشياءه وكاد ان يخرج من بين الكرسي و التربيزه الا انه وجدها تدخل من باب الكافيه وكانت ترتدي قميص عملي وبنطال ضيق يظهر جمال وتناسق ارجلها دارت بـ اعينها بـ المكان حتي وجدته واتجهت له وهي تبتسم ابتسامة مغويه .

ترك اشياءه مره اخري وجلس وهي اتت و وقفت بـ جوار الكرسي المقابل له واستندت بـ كفها عليه ثم قالت : مصدقتش انك هتيجي بـ جد متتصورش دي حاجه فرحتني ازاي ان الاقي حد مهتم بيا و بـ مساعدتي.

وليد بـ ابتسامة: الصراحه ولا انا مصدق ...
هاا تشربي ايه.

نور بـ خجل مصتنع : عصير فراولة.

طلب وليد لها ثم نظر لها بعد ان ابتعد النادل وقال: لحد دلوقتي معرفش اسمك ... ثم مد يده كي يسلم عليها وقال: وليد التهامي .

ارجعت خصلة من شعرها وراء اذنها وتصنعت الخجل ثم مدت يدها وامسكت يده بـ خفه بـ اطراف انمالها وقالت: وعد ... اسمي وعد الابراهيمي.

اخرج حروف اسمها وهو يلفظه كأنه يتذوقه وقال: وعــد ... بجد اسم جميل زي صاحبته.
قاطع حديثهم وصول النادل وقدم لهم الطلبات ثم غادر.
وليد: هاا ... يـ وعد ايه المشكله الا عايزاني اساعدك فيها.

نور: بـ صراحه هي المشكلة مش تخصني هي مساعده ماليه لـ حد اعرفه هو محتاج الفلوس دي جداً وانا واتصرفت فـ نص المبلغ المطلوب والباقي مش عارفه اتصرف فيه.

وليد بـ استفهام: فلوس ليه مين الشخص دا اقدر اعرف عشان اشوف هقدر اساعده ولا لأ.

نور: بـ صراحه هى حالة انسانيه كنت متابعها والفلوس الا معايا مش هتكفيها.

وليد: طب اقدر اعرف ايه هي حايز اتكفل بـ المبلغ كله.

تصنعت نور التفكير ثم اردفت : هو ولد اتربي فـ الملجأ ومحتاج عملية زرع قوقعه عشان يقدر يسمع زي اصحابه ويعيش زي غيره.

برقت عين وليد بـ اعجاب ثم قال : وانتي عرفتيه منين.

نور بـ تردد: ا... ا... انا متعوده اني اروح كل فترة الملجأ دا اقعد مع الاطفال شويه وعرفت ان ف ولد محتاج عمليه والمبلغ المطلوب كتير عن الا معايا واما يأست اني اجمع المبلغ كنت مخنوقه جداً لحد لما انت قولت لي هـ ساعدك بـ صراحه متتخيلش فرحتني اد ايه.

اعجب وليد بها بـ شده وبـ تصرفاتها ولكن لم يعرف لما كانت بـ الحفل فـ قال: بس انتي كنتي في الحفلة دي ليه .

لم تعرف نور ماذا تقول له وماذا تفعل ولكن لم تظهر توترها وقالت مسرعه: كنت مع اصحابي هم لما شافوني مخنوقه وزعلانه اقترحو عليا اخرج معاهم .

وليد: بعد اذنك يعني متفهميش غلط ... بس انتي ليه مطلبتيش منهم الفلوس شكلك يوحي انك مش من الطبقة متوسطه ولا اصحابك

احست نور ان وليد اذكي مما تصورت وقررت ان تصده كي لا يسألها اكثر من ذالك ويكشفها فـ قالت : انا مش معرفه حد اني بـ عمل خير ولا اني بروح الملجأ ... انا اسفه شكلي تطفلت عليك زياده وعرفتك حاجات عني زياده عن اللزوم ... بس صدقني انا معرفش انا حكيت ليك ليه ولا ان انا ارتحت ليك ازاي .
ثم وقفت وحملت حقيبتها وكادت ان تذهب ولكن امسكها وليد مسرعاً من معصمها وقال: استني بس ... والله انا هـ ساعدك بـ المبلغ كله كمان بس ماتمشيش .

نظرت نور له بـ حده وقالت: انت بـ جد فهمتني غلط انا عايزه مبلغ معين منك وهروده ليك اول ما يتوفر معايا .

وليد: الا انت عايزاه بس اقعدي .

وقفت تفكر قليلاً ثم زفرت وجلست و وضعت حقيبتها امامها.

نظر لها وليد وابتسم وقال : اشربي طيب عشان يبقي عيش و فراولة.

ضحكت ثم امسكت الكأس وشربت منه ثم وضعته امامها وقالت بـ ابتسامة عذبه : هااا ... اقدر اعرف هتسلفني الفلوس امتي عشان يعمل العملية بـ اسرع وقت.

اخذ رشفه من فنجان القهوه ثم وضعه امامه وقال: انا عايز اطلب منك طلب بس لو سمحتي متفهمنيش غلط ولا تتسرعي تمام.

نور: تمام اتفضل.

وليد: انا عايز اتكفل انا بكل حاجه ... كادت ان تقاطعه ولكن اشار لها بيده ثم تابع : والله ما اقصد حاجه كل الحكاية ان عندنا ف الشركه في قسم للاعمال الخيرية هو الا هيتكفل بيه كل الا عايزه منك انك تجيبي الملف بتاعه وانا هتابع كل حاجه.

تصنعت نور التفكير وقالت : اذا كان كدا خلاص موافقة تقدر تيجي معايا دلوقتي ولا مش فاضي.

وليد: اه اقدر انتي هتروحي فين.

نور : هنروح الملجأ عشان تشوفه وتأخد.الملف بتاعه.

وليد: طب يلا...
ثم دفع الشيك واخذا اشيائه وذهب معها.

فاق من ذكريته عندما تسلل ضؤ النهار الي غرفته اعلن عن بدأ اليوم الجديد فـ تذكر ان جاسر اخذ وعد وعي فاقده للوعي فـ قلق عليها كثيراً ولم يعرف ماذا يفعل حتي تذكر محمد صديق اخيه وامسك هاتفه واخذ يرن عليه.

❄❄❄❄❄
استيقظ محمد عندما رن هاتفه اكثر من مره فـ اخذه من ع الكمود ولم ينظر الي المتصل و رد عليه بـ نعاس : السلام عليكم.

وليد: محمد... جاسر عندك.

تفاجأ محمد من صوت وليد فـ ابعد الهاتف حتي يتأكد من الذي يحدثه ثم رد عليه: وليد انت جيت مصر امتي.

وليد بـ قلة صبر : مش وقتك يـ محمد جاسر عندك.

محمد: لا جاسر ايه الا هيـ ......
لم يكمل كلامه عندما صرخ وليد وقال: متعرفش هو ممكن يروح فين.

محمد: اهدا يـ وليد و فهمني ف ايه.

وليد: جاسر اخد.وعد وهي مغمي عليها ومشي منعرفش وداها فين .

محمد : ايه ... ايه الا حصل.

وليد : مش وقتك يـ محمد لازم نلحقها قبل ما يعمل فيها حاجه.

قام محمد مسرعاً واخذ مفاتح سيارته وخرج من شقته بـ ملابسه البيتيه وهو يقول: طيب ... طيب خلاص انا هشوفه ف المكان الا اعرفه ولا لأ وبعدين هـ كلمك.
اغلق الهاتف ثم صعد الي سيارته وانطلق بها.

❄❄❄❄❄

تنهد عندما وجده جالس ع سيارته من الامام ويضع يده ع عينيه ... اوقف سيارته بـ جواره ونزل مسرعاً وهو يـ نظر بـ لهفه الي السيارة ولكن لم يجد وعد بـ داخلها فـ نكذه وقال: وعد فين يـ جاسر عملت فيها ايه ... وايه الا حصل خلاك تيجي هنا .

اعتدل جاسر بـ جلسته ونظر له بـ خواء وقال: انا مش عارف اصدق مين.

امسكه محمد من كتفه وقال: ف ايه يـ جاسر ... وليد قالي انك اخدت وعد وهي مغمي عليها.

تذكرها جاسر ونزل مسرعاً ثم اتجه كي يركب سيارته وقال: وديني مانا سيبها الا لما تقول الحقيقة.
ثم انطلق بـ سيارته مسرعاً الي شقته التي توجد بها وعد .

❄❄❄❄❄
فيلا احمد الابراهيمي.

_صباح الخير يـ شادي.

قالها احمد وهو يقف خلف الشادي الذي يمارس تمارين الضغط بـ الحديقه.

توقف شادي و وقف امامه واخذ الماء حني يشرب وقال: صباح الخير يـ عمي ... ايه الا صحاك بدري كدا .

احمد: حلمت حلم وحش وقمت قلبي وجعني ع وعد مش عارف ليه حاسس ان هي حصل لها حاجه.

شادي بـ قلق فـ هو ايضاً يشعر بـ الخوف عليها منذ البارحه ولا يعرف السبب فـ قال حتي يطمئن احمد : متقلقش يـ عمي انا هروح اطمن عليها بـ نفسي انهادره .

ربت احمد ع منكبه وقال: ربنا يبارك فيك يـ بني ... وانا كمان هاجي معاك.

شادي مسرعاً : لا خليك انت وانا هروح انهارده لو ف حاجه هقولك بس انا عايز وعد لوحدنا .

احمد: خلاص يـ ابني زي ما انت عايز ... وانا كمان هرن عليها اطمن بردو.

❄❄❄❄❄

دخلت وهي تترنح من اثار الشرب فـ هي لسه عائده من احدي حفلاتها الليليه قابلت حسن وهو ايضاً مثلها مخمور فقالت: انت لسه جاي يـ بابي.

حسن: انا مش ابوكي .

نور: تؤ تؤ تؤ... عيب كدا دا انا تربيتك بردو .

حسن بـ ابتسامة: تصدقي انتي صح بس انا لـ حد دلوقتي معرفش انتي وقعتي وليد اخو جاسر ازاي.

نور: سر المهنة يـ حُس .

حسن: طب ما تعرفيني .

نور وهي تجلس ع الاريكه : تعالي وانا اقولك .
جلس حسن امامها ونظر لها بـ اهتمام وبدأ يسمع لها .

نور : عرفت عنه كل حاجه وان هو بيحب الخير بس كان عندي مشكله واحده ازاي اقابله عرف صاحبه وعرفت هو ماشي مع مين كان مودي عامل حفلة وهو عارف واحد يقدر يجر صاحبه وهو يجيب وليد وانا ابقي بعيد عن التعامل خالص عشان صاحبه ميعرفنيش ... وبعدها جيه واستنيته لما خرج الجنينه وعملت نفس اني بعيط وبعدها بقي قبلته وهو اتكفل بـ عمل الخير وبدأ ينجذب ليا ويحبني بس الا معملتش حسابه ان الزفت صاحبه دا يخليه يأدمن هيروين ... بس تصدق ا حُس صاحبه دا قدملي خدمه من غير مايقصد انا كنت محتاره ازاي هبعده عني .

حسن بـ اهتمام: يعني انتي مش السبب فـ ادمانه.

نور : انت عبيط انا عمري ما أذي حد بـ الطريقة دي .

حسن بـ تهكم: عمرك ما تأذي حد دا انتي سيبتي اختك بـ ايد جاسر ولا اتأثرتي ع الممكن يعمله فيها.

شعرت نور بـ بعض عذاب الضمير ولكن نفضته سريعاً وقالت: ميهمنيش اهم حاجه تبعد عن حاتم وتتجوز عشان معتش يعرف يوصلها.

حسن بـ استفهام: طب انتي عرفتي ان هو مدمن امتي وبعدتي عنه ازاي.

نور: كنا هـ نسهر مع بعض مره وهو سبني وراح مع صاحبه الحمام لاحظت ان ف حاجه غريبة بينهم روحت وراهم وبعدين لقيته بيديله تذكرة من الهيروين سيبته لما اخدها وبعدها واجهته وقولتله لو متعلجش هسيبه وبعدها اختفيت معتش ظهرت ولا عرفت عنه حاجه.




يتبع.........

بـ قلم ميرا جبر